Ministria ruse e Mbrojtjes ka njoftuar se Rusia dhe Ukraina kanë shkëmbyer qindra të burgosur në shkëmbimin më të madh që nga fillimi i luftës.
Presidenti ukrainas Volodymyr Zelensky tha se si pjesë e shkëmbimit, me ndërmjetësimin e Emirateve të Bashkuara Arabe, Ukraina ktheu në shtëpi 277 të burgosur lufte.
Në postim ai ka shkruar:
“Në total, që nga fillimi i luftës gjithëpërfshirëse, ne kemi sjellë me sukses në shtëpi 4,552 njerëz – si luftëtarë ashtu edhe civilë – nga robëria ruse. Ne i kujtojmë të gjithë ata që janë ende në robëri. Ne po kërkojmë të gjithë ata që mund të jenë atje. Ne duhet t’i sjellim të gjithë në shtëpi.”
Our people are home—one of the best pieces of news that can be. Another 277 warriors have returned home from Russian captivity.
The warriors of the Armed Forces of Ukraine, the National Guard of Ukraine, the State Special Transport Service, and the border guards. They defended… pic.twitter.com/bm4OF80o7o
— Volodymyr Zelenskyy / Володимир Зеленський (@ZelenskyyUa) April 19, 2025
Bëhet e ditur se presidenti rus Vladimir Putin shpalli një armëpushim të njëanshëm të Pashkëve, duke urdhëruar forcat e tij të pushojnë të gjitha armiqësitë të shtunën dhe të dielën.
“Bazuar në arsye humanitare… pala ruse shpall një armëpushim të Pashkëve. Unë urdhëroj ndërprerjen e të gjitha aktiviteteve ushtarake gjatë kësaj periudhe”, i tha Putin shefit të tij ushtarak Valery Gerasimov në një takim në Kremlin.
Zelensky dënoi “përpjekjen e Putinit për të luajtur me jetë njerëzore”.
“Përpjekja e re e Putinit për të luajtur me jetët e njerëzve”, tha Zelensky, duke theksuar se dronët rusë të zbuluar në qiellin e Ukrainës tregojnë qëndrimin real të Moskës ndaj Pashkëve dhe jetës së njerëzve.
Megjithatë, ai nuk e formuloi qartë përgjigjen e Kievit ndaj propozimit të armëpushimit.