Gani Geci i është përgjigjur publikisht ftesës së Xhavit Halitit për një debat ballë për ballë me personat që janë kundër ish-krerëve të UÇK-së që u dënuan nga Gjykata Speciale në Hagë.
I ftuar në një emision në Tëvë 1, Haliti shprehi gatishmërinë që të zhvillojë debat të drejtpërdrejtë me personat që nuk dëshirojnë lirimin e Thaçit, Veselit, Krasniqit e Selimit, nga burgu.
“Ka edhe të tillë që nuk dëshirojnë t’i ndihmosh dhe të mbesin aty brenda në burg. Po shoh në komente edhe në media njerëz të cilët po flasin eksplicit politikisht. Ka plot të cilët nuk e dëshirojnë lirimin e tyre. Unë sot nuk kam me diskutu për këtë temë, sepse unë kam qejf me debatu për këtë temë me ata drejtpërdrejt dhe me ua tregu edhe letrat e tyre”, ka deklaruar Haliti.
E nuk ka vonuar shumë e i menjëhershëm ka qenë reagimi i Gani Gecit.
Në lajmin e shpërndarë nga Paparaci, Geci ka thënë se është kundër atyre që e kanë shkruar Komunikatën nr. 59, ndërsa shprehu gatishmëri për t’u përballur me Xhavit Halitin.
“Unë jam kundër atyre që e kanë shkruar Komunikatën nr. 59 kundër meje dhe familjes sime. Kur doni kush po don debat me mua, le ta zgjedhin vetë edhe televizionin, edhe moderatorin”, ka thënë Geci. /“Mitropol”