Kur ulesh për të parë një ndeshje të Premier League, pret 90 minuta plot emocione, luftë dhe magji. Por a e keni menduar ndonjëherë se sa nga ato 90 minuta po shikoni në të vërtetë futboll?
Sipas analizës së fundit nga Opta, këtë sezon kemi parë një trend paradoksal: ndeshjet po zgjasin më shumë se kurrë më parë, por koha që topi është në lojë po zvogëlohet në mënyrë drastike.
Numrat janë alarmues. Kohëzgjatja mesatare e një ndeshjeje të Premier League këtë sezon është 100 minuta e 36 sekonda. Nga kjo, topi është në lojë vetëm për 55 minuta, ose 54.7% të kohës. Kjo është përqindja më e ulët në dhjetë vitet e fundit.
45 minutat dhe 35 sekondat e mbetura shpenzohen për ndërprerje të lojës: goditje nga këndi, rivënie anësore, goditje të lira direkte, nisje nga portierët, kontrolle të VAR dhe debate me gjyqtarin.
Shembulli më ekstrem është derbi Newcastle-Liverpool, i cili zgjati pabesueshëm 109 minuta e 24 sekonda. Nga kjo kohë, topi ishte në lojë vetëm për 45 minuta e 55 sekonda. Kjo do të thotë se për plot 63 minuta e 29 sekonda publiku nuk pa absolutisht asgjë!
/GazetaBlic Sport