Dua dhe Dukagjin Lipa shfaqen së bashku rrugëve të New York-ut
Dua Lipa u pa në rrugët e New York-ut në shoqërinë e të atit, Dukagjin Lipa, vetëm pak ditë pasi u nda nga agjenti i saj David Levy.
Këngëtarja 30-vjeçare tërhoqi vëmendje me një fustan të zi midi me korse, të kombinuar me taka Louboutin dhe një çantë firmato me printim gepardi, duke treguar edhe unazën e saj të fejesës nga aktori Callum Turner.
Vendimi i saj për t’u distancuar nga Levy erdhi pas polemikave që shpërthyen kur ai nënshkroi një letër kundër grupit pro-palestinez Kneecap.
Përkundër debatit, Dua mbetet nën menaxhimin e agjencisë WME, por tashmë e përfaqësuar nga një tjetër agjent.
Ky veprim shihet si një sinjal i qartë i këngëtares për të ruajtur përputhshmëri mes karrierës dhe bindjeve të saj politike.