Ndarja e papritur e Miranda Hashanit dhe Mentor Miftarit, mesazhi emocionues i tij: “Të kam dashtë me shpirt e zemër”
Një lajm që ka tërhequr vëmendjen në showbiz-in shqiptar është ndarja e këngëtares së njohur Miranda Hashani nga Mentor Miftari.
Lajmi është bërë publik nga vetë Miftari, i cili përmes një postimi në rrjetet sociale ka konfirmuar përfundimin e lidhjes së tyre, duke shoqëruar njoftimin me një mesazh emocional.
Në shkrimin e tij, ai ka reflektuar mbi largimin e njerëzve të dashur, pranimin e vendimeve të vështira dhe rëndësinë e ecjes përpara, edhe kur një histori dashurie merr fund.
“Mos e kalo kohën duke vrapuar pas shpjegimeve, duke kërkuar vëmendje apo duke u përpjekur të kuptosh heshtje që ndonjëherë flasin më shumë se një mijë fjalë”, thuhet ndër të tjera në postimin e tij.
Në fund, Miftari ka ndarë edhe fjalët që kanë marrë vëmendje të veçantë: “Të kam dashtë me shpirt e zemër e tani u ndamë”.
Miranda Hashani dhe Mentor Miftari kanë ndërtuar një histori të gjatë së bashku dhe kanë edhe dy fëmijë. Megjithatë, deri më tani nuk janë bërë publike arsyet që çuan në përfundimin e marrëdhënies së tyre.
Nga ana tjetër, këngëtarja Miranda Hashani nuk ka dhënë ende një reagim publik lidhur me këtë zhvillim.
Postimi i Miftarit ka ngjallur interes te ndjekësit, ndërsa mbetet të shihet nëse këngëtarja do të zgjedhë të flasë publikisht për këtë ndarje.