Një mësuese në një shkollë katolike për fëmijë të vegjël, e cila u kap duke punuar fshehurazi si modele në OnlyFans, ka shkaktuar polemika në Itali dhe ka nxitur ndërhyrjen e qeverisë.
Elena Maraga, 29 vjeç, u pezullua nga puna pranë Trevizos, në Italinë veriore, të enjten, pasi u zbulua se po shiste foto dhe video provokuese të saj në platformën me abonim, e cila është e njohur për përmbajtjen e saj për të rritur.
Rasti i Elena Maragës, një mësuese e një kopshti parashkollor në Trevizo, ka rikthyer në vëmendje këtë çështje. Maraga, 29 vjeç, është gjithashtu një bodybuilder dhe ka një profil aktiv në OnlyFans. Federata Italiane e Shkollave Parashkollore (FISM) e Trevizos ka nisur hartimin e një kodi etik që do të rregullojë sjelljen e mësuesve në rrjetet sociale. Ky dokument do të hidhet në votim më 30 prill.
Simonetta Rubinato, presidente e FISM Trevizo, theksoi se “mirësjellja dhe ruajtja e privatësisë duhet të jenë pjesë e identitetit të çdo mësuesi”. Ajo theksoi se ky është një diskutim delikat, i cili po trajtohet me kujdes për të mbrojtur si fëmijët, ashtu edhe vetë mësuesit.

