Vrasje në familjen shqiptare në Itali
E premte, 31 Mars 2023 – 12:40
pixabay
Policia italiane raporton se një grua 56-vjeçare shqiptare është vrarë me thikë nga burri i saj në Itali, përcjell albinfo.ch.
Mediat italiane raportojnë se Z.U. ka tentuar t’i kërkojë ndihmë djalit të saj para se të qëllohej për vdekje nga bashkëshorti i saj, Xh.U.
62-vjeçari e ka goditur atë disa herë me thikë në shtëpinë e tyre në Borgo Rivo. I pari që nxitoi në vendin e masakrës ishte djali i çiftit, i cili dëgjoi britmat e dëshpëruara të nënës së tij në telefon.
“Babi po më lëndon”, mësohet t’i ketë thënë e ndjera të birit. Pas mesazhit zanor të nënës, djali ka tentuar të kontaktojë me motrën e tij, duke kërkuar më pas ndërhyrjen e policisë, por kur ata kanë mbërritur në vendngjarje, tragjedia kishte ndodhur tashmë.
