Scamacca dhe Scalvini do të duhet t’i nënshtrohen operacioneve për të trajtuar lëndimet e tyre përkatëse, që do të thotë se Atalanta do t’i humbasë për pjesën tjetër të sezonit.
Të dy kanë pësuar lëndime të rënda dhe pritet të mungojnë në pjesën e mbetur të sezonit, shkruan GazetaBlic Sport.
Edhe pse mbrojtësi u rikthye në fushë në nëntor pasi bëri një rikuperim çuditërisht të shpejtë, së fundmi ai ka pësuar dy lëndime në shpatull në harkun e disa javëve, nga të cilat kjo e fundit do ta detyrojë t’i nënshtrohet një operacioni.
Nga ana tjetër, sulmuesi luajti pesë minutat e tij të para dhe të vetme të sezonit në ndeshjen e fundit të Atalantës në Serinë A kundër Torinos, gjë që mjaftoi për t’i shkaktuar atij një problem të ri, i cili doli të ishte më i rëndë se sa pritej.
/GazetaBlic Sport