Përfaqësuesi i lartë i VLEN-it, Blerim Sejdiu, duke folur për mundësinë e mbajtjes së Provimit të jurisprudencës në gjuhën shqipe, deklaroi se ka kaluar zgjidhja e propozuar nga VLEN-i dhe jo ajo e ZNAM-it, e cila, sipas tij, “vazhdon ta kundërshtojë këtë zgjidhje ligjore”.
Sejdiu tha se çështja ka kaluar në Qeveri dhe më pas është dërguar në Komisionin e Venecias.
“Kaloi e jona, jo e ZNAM-it. Në Qeveri ka kaluar dhe ka shkuar në Komisionin e Venecias, por dikush e keqpërdori këtë pjesë. Ne nuk jemi në Qeveri për të na ndaluar dikush, sepse ne përfaqësojmë shqiptarët”, deklaroi Sejdiu.
Ai theksoi se VLEN-i mbetet i përkushtuar në realizimin e kësaj zgjidhjeje e cila mundëson që Provimi i jurisprudencës të mbahet edhe në gjuhën shqipe.

