Kompania amerikane Microsoft ka rikthyer plotësisht funksionimin e platformave Teams, Outlook, Copilot dhe aplikacioneve të tjera, pas një ndërprerjeje globale që zgjati më shumë se 24 orë.
Problemi kishte shkaktuar vështirësi në komunikimin dhe punën online të kompanive dhe institucioneve qeveritare në shumë vende të botës.
Microsoft njoftoi se ka përfunduar ndërhyrjet për eliminimin e shkakut të defektit dhe se shërbimet janë rikthyer edhe për përdoruesit dhe rajonet e fundit të prekura.
Sipas kompanisë, ndërprerja ishte pasojë e një problemi teknik në infrastrukturën e rrjetit dhe nuk kishte të bënte me sulme kibernetike.