Një autobus me rreth 90 nxënës, që po ktheheshin nga ekskursioni, është përplasur me një shkëmb në rrugën Mojkovac–Kolashin, në Mal të Zi.
Aksidenti ndodhi rreth orës 20:35, në zonën Shtitariçka Rijeka. Sipas informacioneve të para, në rrugë kanë rënë gurë dhe shoferi, duke tentuar t’i shmangte, është përplasur me shkëmbin.
Pesë persona janë lënduar, përfshirë tre nxënës. Udhëheqësi i ekskursionit ka pësuar lëndime të rënda dhe është dërguar me urgjencë në Qendrën Klinike të Malit të Zi.
Nxënësit e tjerë janë transportuar drejt Podgoricës me autobusë dhe automjete të tjera. Sipas informacioneve jozyrtare, shoferi nuk ka qenë nën ndikimin e alkoolit.
Policia dhe prokuroria po hetojnë rrethanat e aksidentit.