Arabia Saudite mund të jetë hapi i radhës për mesfushorin e Manchester Cityt, Kevin De Bruyne.
Interesimi nga Arabia Saudite për reprezentuesin e Belgjikës po rritet gjithnjë e më shumë.
De Bryune, i cili tashmë është drejt fundit të kontratës me Man City-n, raportohet se ka zhvilluar bisedime me San Diego FC për një kalim të mundshëm në MLS sezonin e ardhshëm.
Ndërkohë, trajneri i Manchester Cityt, Pep Guardiola, ka shprehur dëshirën që lojtari të rinovojë dhe të qëndrojë në klub.
Megjithatë, sipas “Fussball Transfers”, Neom SC – klubi i fuqishëm dhe jashtëzakonisht i pasur nga liga e dytë saudite, që është në prag të ngjitjes në Saudi Pro League, po bën përpjekje serioze për të siguruar shërbimet e mesfushorit belg. Diskutimet mes palëve thuhet se po vazhdojnë dhe deri më tani kanë qenë pozitive.
De Bruyne më herët e kishte të hapur mundësinë e një aventure në Arabinë Saudite.
“Në moshën time, duhet të jesh i hapur për gjithçka. Po flasim për shuma të pabesueshme parash për atë që mund të jetë fundi i karrierës sime. Ndonjëherë, duhet ta mendosh”, kishte deklaruar pak ditë më parë De Bruyne.
Tashmë mbetet për t’u parë se cila do të jetë zgjedhja e as-it belg.