Komuna e Gostivarit nën patronatin e kryetarit të saj, Valbon Limani sot organizoi iftar të hapur për qytetarët e Gostivarit.
Ky iftar organizohet për vitin e dytë radhazi dhe është përkrahur edhe nga Bashkësia Fetare Islame.
“Sot kemi iftarin e dytë tradicional këtu në qendër të Gostivarit, në bashkëpunim me Myftininë e Gostivarit. Është një iftar i hapur për të gjithë qytetarët e Gostivarit, pa dallim. Ky iftar përcjell mesazhin e solidaritetit, bashkimit dhe mirësisë në këtë muaj të bekuar të Ramazanit. Uroj që ky iftar të mbetet traditë edhe për shumë vite”, tha kryetari Valbon Limani. (INA)