Shkup, 12 maj- Sot, më 12 maj, në mbarë botën shënohet Dita Ndërkombëtare e Infermierëve, një ditë kushtuar nderimit të rolit thelbësor që luajnë infermierët në sistemet shëndetësore.
Kjo ditë përkon me ditëlindjen e Florence Nightingale, themelueses së infermierisë moderne, dhe synon të rrisë ndërgjegjësimin për rëndësinë e punës së infermierëve si shtyllë e përkujdesjes ndaj pacientëve.
Organizatat shëndetësore dhe institucionet publike në shumë vende të botës zhvillojnë aktivitete për të shprehur mirënjohje dhe për të përforcuar statusin profesional të këtij profesioni jetik, veçanërisht pas sfidave të mëdha me të cilat u përballën gjatë pandemisë./ Televizioni News