Hafiz Aziz Alili i bëri edhe njëherë krenarë shqiptarët e Likovës dhe Maqedonisë, udhëhoqi namazin e Teravisë në kryeqytetin e Turqisë

Xhamia Beştepe ose Millet (Popullore) ndodhet në lagjen Beştepe dhe rrethin Yenimahalle, në provincën e Ankarasë, në kuadër të kompleksit presidencial ku ndodhet edhe pallati presidencial, i cili është edhe rezidenca e Presidentit të Republikës së Turqisë, Recep Tayyip Erdoğan.

Këtë vit, Drejtoria Turke e Çështjeve Fetare (Diyanet) vendosi që çdo namaz i teravive në këtë xhami të falet nga një hafiz nga e gjithë bota.

Mbrëmë (e premte), ishte i ftuar kryeimami i Mexhlisit të Bashkësisë Islame të Zagrebit, Hafiz Aziz Alili nga Likova e Maqedonisë, njëri nga hafizët më të njohur botërorë, transmeton TV NEWS

Ai të premten, më 7 Ramazan, e fali namazin e teravive dhe lexoi Kuranin pas namazit, ndërsa sonte me 8 Ramazan lexoi Kuran para namazit të taravisë.

Kjo xhami u hap në korrik 2015.

Ajo ka katër minare, secila 60 metra të larta, me dy serafine dhe mbulohet nga një kube kryesore dhe katër gjysmë-kupola. Mund të strehojë tre mijë adhurues./TV NEWS