Sot gjatë komentimit të ndeshjes Juventus – Inter, komentatori kosovar, Andin Lokaj e quajti “hajvan” Albin Kurtin, kryeministrin e Kosovës.
Kompania në të cilën punon Andin Lokaj, Artmotion ka reaguar pas pjesës së parë, duke e larguar atë nga komentimi, teksa pas ndeshjes e lëshoi një komunikatë, duke kërkuar falje.
Ja reagimi i tyre:
“ArtMotion kërkon falje për incidentin gjatë komentimit të ndeshjes Juventus-Inter
ArtMotion shpreh keqardhje për komentet e pahijshme që kanë ndodhur nga komentatori Andin Lokaj në ndeshjen e luajtur sonte ne mes Juventus dhe Inter në kanalin Sport1.
Vlerësojmë se gjuha e komentatorit Lokaj ka qenë krejt e pavend dhe joprofesionale.
ArtMotion sapo ka vërejtur se çka po ndodh ka marrë menjëherë masa për ta ndërruar komentatorin, duke e zëvendësuar me komentatorin Arbon Flugaj, i cili ka vazhduar komentimin deri në fund të ndeshjes.
ArtMotion ka inicuar procedurën e masës disiplinore për këtë lëshim të rëndë profesional ndaj komentatorit Lokaj.
ArtMotion distancohet nga kjo sjellje, shpreh keqardhje të thellë për incidentin dhe iu kërkon falje të gjithë atyre që e kanë shikuar ndeshjen”, shkruhet në njoftim.
/GazetaBlic Sport