Ish-sulmuesi i Zvicrës, Marco Streller, ka bërë një deklaratë të fortë gjatë një interviste për median zvicerane ‘Bluewin’, duke pretenduar se Granit Xhaka mund të transferohet te Real Madrid në të ardhmen e afërt.
Sipas Streller, Xabi Alonsos do të jetë trajner i ri i Real Madridit dhe kjo sipas tij e çon edhe Xhakën në ‘Santiago Bernabeu’.
“Alonso e njeh shumë mirë Granitin dhe cilësitë e tij, pasi ishte vendimtar në suksesin e Bayer Leverkusen sezonin e kaluar dhe ka qenë po aq i rëndësishëm këtë sezon. Ai mund të jetë zëvendësuesi ideal për Luka Modric”, theksoi ish-sulmuesi i Zvicrës.
Pavarësisht se mosha nuk është në favor të tij, Xhaka ka treguar formë të jashtëzakonshme gjatë dy viteve të fundit. Ai u përfshi ndër 30 lojtarët më të mirë në garën për “Topin e Artë”, duke nënvizuar rëndësinë dhe ndikimin e tij në fushë.
Ky spekulim vjen në një kohë kur Xhaka është një nga liderët e Leverkusenit, duke kontribuar në mënyrë të vazhdueshme në performancat mbresëlënëse të ekipit. Nëse kjo lëvizje realizohet, do të jetë një hap i madh për mesfushorin kosovar të Kombëtares së Zvicrës.