TV News
Kosovë

Kurti: Siç u ndërruan targat ndërrohet edhe dinari, do ta intensifikojmë fushatën informuese

Kryeministri i vendit, Albin Kurti, ka folur për vendimin e BQK-së për ndalimin e përdorimit të dinarit.

Ai tha se BQK-ja është institucion i pavarur dhe ajo e ka marrë vendimin, teksa sipas tij, qeveria do ta intensifikojë fushatën informuese për të gjithë ata që kanë nevojë ta ridëgjojnë që dinari në Kosovë s’ndalohet por nuk lejohet si mjet pagese.

“Ashtu siç janë konvertuar targat në RKS, edhe më shpejt edhe më kollaj mund të bëhet konvertimi i dinarit në euro. Besoj që alarmimi që vjen me idenë e përhapjes së panikut vjen nga Beogradi. Ajo çka bëjmë ne është informimi i drejt. E kemi një periudhë tranzitore në kuptimin që s’duam t’i ndëshkojmë ata që kanë ende dinarë, por duam të institucionalizojmë financat në Kosovë”, tha Kurti sot para mediave.

Më tej, Kurti tha se ndonëse do të intensifikohet fushata informuese, konvertimi i dinaërve duhet të bëhet në Euro.

“BQK-ja i ka shkruar letër Bankës Kombëtare të Serbisë dhe besoj që ata duhet t’i kthejnë përgjigje”, tha ai.

Lajme të ngjashme

26 vjetori i Epopesë së UÇK-së, prezantohet logoja zyrtare

Suad Avdiu

Memli Krasniqi takon Lajçakun në Antali: I kërkova të ndihmojë në heqjen e masave ndëshkuese të BE-së ndaj Kosovës

Suad Avdiu

Adelina: Emisionin e ndaluar nga RTK-ja e publikoj nesër në facebook-un tim

Suad Avdiu