Sa kohë duhet të shpenzoni në krevat? Ju duhet 6 orë gjumë, 7, 8 apo 10? Rekomandimi i përhershëm në lidhje me këtë çështje është fjetja e 8 orëve gjumë çdo natë.
Në këtë mënyrë do të mund të çlodhni dhe mbroni trurin e trupin tuaj. Por sipas ekspertëve kjo nuk është e thënë të jetë e vërtetë për këdo.
Cikli i gjumit varet ngushtë nga gjenet tuaja dhe ka disa mënyrë se si mund ta merrni vesh se cilit grup “gjumashësh” i përkisni.
Sa orë duhet të flini?
Rkomandimet për gjumin janë të njejta si ato për konsumin e ujit.
Është e shëndetshme ajo çfarë ju bën ju të ndihemi më mirë.
Askush nuk mund ta di me ekzaktësi nëse ka një rekomandim të vetëm mbi këto çështje apo disa.
E teksa shumica e ekspertëve rekomandojnë 8-9 orë gjumë çdo natë, të tjerë thonë të kundërtën.
Sipas terapistes Annie Miller, ciklet e gjumit tek njeriu kanë ndryshuar përgjatë periudhave të ndryshme historike për t’u përshtatur me jetesën.
Standarti i 8 orarëshit nuk është i vlefshëm për të gjithë, pasi disa nejrëz mund të ngopen edhe me 5-6 orë gjumë.
Në vitin 2019 shkencëtarët arritën të zbulonin edhe një gen të veçantë që lidhet me këtë.
Quhet “geni i pagjumësisë” dhe njerëzit të cilët e mbartin kanë nevojë vetëm për 6.5 orë në natë pa pasur efekte anësore negative.
Ky zbulim i Institutit nacional të Shëndetit në Amerikë (NIH), është një provë e vogël mbi këtë çështje, por provon teorinë se jo të gjithë njerëzit kanë nevojë për të njëjtën sasi gjumi.
A mund të ndodhë e kundërta?
Nga na tjetër ekspertët nuk kanë evidentuar deri tani ndonjë gen përgjegjës për përgjumjen e vazhdueshme.
Sipas terapistëve dhe psikologëve gjumi varet shumë tek gjenetika e gjithsecilit prej nesh.
Ndaj nuk është çudi që të mund të keni një sistem gjumi të personalizuar që ju përshtatet vetëm ju dhe jo 8- orarëshit të rekomanduar kaq shumë./AgroWeb
Top Channel