Para disa ditësh, këngëtari i njohur Sinan Vllasaliu u aksidentua me motor, duke pësuar lëndime që kërkuan ndërhyrje kirurgjike.
Së fundmi, vajza e tij, Edona Vllasaliu Kurteshi, ka njoftuar se gjendja shëndetësore e këngëtarit është e mirë dhe se ai po vazhdon procesin e rikuperimit.
Përmes një postimi në Instagram, ajo bëri të ditur se babai i saj nuk ka mundur të marrë pjesë në dasmën e këngëtares Dua Lipa, ku ishte i ftuar të performonte, për shkak të lëndimeve të marra nga aksidenti.
“Babi im, i cili me shumë dashuri për muzikën ishte i ftuar të këndonte edhe në dasmën e Dua Lipa, fatkeqësisht nuk mundi të ishte prezent për shkak të këtij aksidenti. Megjithatë, sot mbi të gjitha jemi mirënjohës që ai është në duar të sigurta dhe po rikuperohet”, ka shkruar ajo.
Edona Vllasaliu Kurteshi ka shprehur gjithashtu mirënjohje për stafin mjekësor që është kujdesur për trajtimin e këngëtarit.
“Faleminderit pafund secilit mjek, infermier dhe çdo anëtari të stafit për kujdesin, durimin dhe zemrën që treguat. Mirësia juaj nuk harrohet”, ka shtuar ajo.
Njoftimi i saj ka sjellë lehtësim te familjarët, miqtë dhe admiruesit e këngëtarit, të cilët kanë shprehur interesim për gjendjen e tij pas aksidentit/TëVën.
