TV News
Show Biz

Rikthehet ora verore, akrepat shkojnë një orë para

Akrepat kanë shkuar një orë para këtë të diel në mëngjes, me rikthimin e orës verore.

Për herë të parë, ora verore u provua në Gjermani në vitin 1916, duke nisur nga 30 prilli deri në 1 tetor.

Britanikët e morën dhe ata modelin por zgjodhën atëherë një periudhë tjetër për ta zbatuar, 21 maj – 16 tetor. Të parët sidoqoftë që e tentuan këtë sistem por në shkallë më të vogël, ishin banorët e qytetit Thunder Bay në Kanada korrikun e 1908.

Ndryshimi i orës verore krijon mundësinë të shijohet më shumë dita dhe rrezet e diellit. Si ligj, ndryshimi i orës në Europë u vendos në 1981-shin, duke u rinovuar më pas çdo katër vjet. Megjithatë, ky ndryshim duket se ndikon mbi organizmin e njeriut. Gjithmonë e më shumë po thuhet se koha ka kaluar për periudhën e verës dhe të dimrit.

Për këtë janë të një mendjeje Komisioni i BE-së dhe Parlamenti Evropian. Por ende për këtë mungon aprovimi i të 28 shteteve të bllokut.  Pjesa më e madhe e vendeve të botës nuk e njohin ndryshimin e orës, vetëm 73 prej tyre e bënë këtë vit.

Ka shtete në të cilat ora ndryshon vetëm në një pjesë, sipër shembull në Kanada apo SHBA. 69 shtete e kanë hequr ndryshimin e orës, që kanë pasur më parë. BE ka tre zona kohore, nga Portugalia në perëndim deri në Qipro në lindje.


Top Channel

Lajme të ngjashme

“Jam Drenicë, jam Dukagjin”, Leonora Jakupi shkëlqen në veshje kombëtare

Suad Avdiu

Kriset miqësia mes tyre – Stresi ironizon Don Xhonin?

Suad Avdiu

Dijonis Biba shpallet fituesi i edicionit të parë të “Ferma VIP”

Suad Avdiu