Armaldo Kllogjeri gjatë emisionit “Më lër të flas” , në Top Channel ka treguar për herë të parë për periudhën e vështirë që ka kaluar kur ishte i ri.
Për shkak të varfërisë ai u detyrua që të emigronte jashtë Shqipërisë duke bërë çfarëdo lloj pune të rëndomtë, por u detyrua të kthehej sërish në Shqipëri për shkakun se nuk mundi të bënte dot letrat.
Armaldo Kllogjeri: Në kohën kur kam qenë unë në emigrim nuk kanë qenë këto kushte që janë sot në Shqipëri sepse atëherë jetesa ka qenë shumë e varfër.
Donald Veshaj: Ti ke ikur shumë i ri?
Armaldo Kllogjeri: Po kam ikur 22-23 vjeç dhe ne sapo dolëm nga sistemi komunist dhe ishim shumë të varfër dhe morëm rrugët e emigrimit si të gjithë shumë shqiptarë. Emigruam me sakrifica, me ato punët e rënda edhe me disa punë që na u krijuan gjatë ndenjes edhe pak më komode, por arsye se pse erdha dhe u riktheva në Shqipëri ishte për çështjen e letrave sepse isha një emigrant që nuk kisha letra në atë kohë.
Romeo Veshaj: Nëse do kishe letra do vazhdoje të qëndroje?
Armaldo Kllogjeri: Absolutisht po. U ktheva, por kur u ktheva ishte një situatë pak më ndryshe sepse rigjeta veten në profesionin që unë përfaqësoj. Mendoj që jemi në një situatë të vështirë, por besoj nëse politika apo drejtuesit e politikës kushdo qofshin të krahëve të ndryshëm të kenë një ndjenjë atdhetare, kjo do ta bënte që ky fenomen të frenohej dhe ne të kishim një rritje shumë të madhe ekonomike duke mos u ndikuar edhe nga faktorët të huaj që duan që Shqipërinë ta shohin gjithmonë kaos.
Top Channel