Gjyqi për një aksident skijimi në vitin 2016 ku përfshihej Gwyneth Paltrow filloi të martën.
Aktorja dhe biznesmenja ishte e pranishme në sallën e gjyqit në Park City, Utah, ku Terry Sanderson, 76 vjeç, e ka akuzuar se është përplasur me të dhe i ka shkaktuar lëndime të rënda ndërsa të dy po bënin ski në një mal të Jutas në shkurt të vitit 2016.
Në dokumentet e gjykatës të paraqitura fillimisht nga Sanderson dhe të marra nga CNN në vitin 2019, Sanderson deklaroi se ndërsa po bënte ski në Deer Valley Resort, Paltrow dyshohet se ka skijuar jashtë kontrollit … duke e rrëzuar fort dhe duke shkaktuar një dëmtim të trurit, dhe katër brinjë të thyera dhe lëndime të tjera të rënda.
Sanderson gjithashtu pretendon se Paltrow dhe instruktori i saj i skive u larguan pas incidentit pa u interesuar për të. Paltrow ngriti një kundërpadi kundër Sanderson, një optometrist në pension.
Sanderson fillimisht kishte paditur Paltrow për 3.1 milion dollarë, por më vonë e ndryshoi ankesën e tij dhe tani po kërkon më shumë se 300,000 dollarë dëmshpërblim, sipas dokumenteve të gjykatës.
Gjyqi pritet të zgjasë rreth një javë.
Top Channel