Trajneri i Manchester Cityt, Pep Guardiola, ka komentuar ndeshjen e kthimit në play-off të Ligës së Kampionëve kundër Real Madridit. Në ndeshjen e parë, “qytetarët” humbën 2:3.
“Ka tension, por është më se e këndshme. Pa presion është e pamundur të paraqitemi mirë. Nëse do të fitojmë varet nga mënyra se si luajmë, si do t’i përballojmë momentet në një nga stadiumet më të mëdha. Do të ketë momente të këqija që do të duhet t’i kalojmë, por do të përpiqemi t’i reduktojmë”, tha Guardiola.
“Ne duhet të luajmë një lojë pothuajse perfekte kundër Real Madridit. Rezultati i ndeshjes së parë nuk ishte shumë i mirë. Zakonisht ne shkojmë në ndeshjen e dytë me një rezultat më të mirë, kështu që situata nuk është ideale. Duhet të sulmojmë, duhet të shënojmë gola. Duam të fitojmë, kështu që do të shohim nëse mund të rregullojmë disa gjëra që nuk funksionuan në ndeshjen e parë”, tha spanjolli në konferencën për shtyp para ndeshjes.
/GazetaBlic Sport