Zekirja Shahini specialist i puloalergologjis, nëpërmjet emisionit Mes Nesh thot se nuk ka vend për panik lidhur me këtë viru, përcjell TelevizioniNews.
“Virusi i ri është më shumë temë mediatike, sepse derisa në profesion, që unë punoj dhe mësoj si specialist në klinikën e pneumologjisë, deri tani nuk kemi pasur asnjë rast të tillë.
Po ashtu, nuk kam dëgjuar se kemi ndonjë rast në vendin tonë. Për momentin, më shumë kemi të bëjmë me viruset e stinës, si gripin e zakonshëm influenzadhe viruset e tjera, të cilat janë tipike dhe shfaqen me shenja të zakonshme, si çdo virus tjetër: temperaturë, kollë, lodhje, dhimbje trupi dhe simptoma të tjera të ngjashme. Sa i përket asaj që po flitet në media dhe që ka bërë bujë në lidhje me virusin që është përhapur në Kinë, duhet theksuar se nuk është një virus i ri.
Ky virus është zbuluar që në vitin 2019 në Holandë, por nuk kemi të bëjmë me atë virus në vendin tonë. Prandaj, nuk duhet të përhapet panik dhe duhet të dihet qartë se, ashtu si gjithmonë, në vendin tonë nuk ka arsye për shqetësim. Shenjat e Covid-19 nuk janë aspak të ngjashme me këtë virus të zakonshëm, dhe shpresoj që ky virus Covid-19 të mos vijë as në vendin tonë. Nuk është shqetësuese për momentin, sepse shenjat dhe tiparet e viruseve që kemi aktualisht në vend janë tipike të një virusi të stinës, i cili fatkeqësisht ka prekur më shumë individët në ditët e fundit. Veçanërisht janë prekur fëmijët dhe pacientët me sëmundje kronike, të cilët janë më të rrezikuar nga këto lloj virusesh.”
Gazetare Abibe Qaili/TelevizioniNews

