Të hipësh në një makine sportive Ferrari me ngjyrë të kuqe të ndezur nuk do të thotë që mund të ngasësh kudo, madje as në Itali.
Kjo është ajo që një turist amerikan gjeti në koston e tij, kur hipi me një Ferrari Spider në Piazza della Signoria, një shesh i famshëm i këmbësorëve në qendrën historike të qytetit të Firences. Ai u kap të hënën kur parkoi Ferrari Spider-in e regjistruar në Zvicër, pasi u pa duke vozitur përgjatë rrugës ngjitur Via dei Gondi.
Sheshi që turisti kaloi me makinë është normalisht i mbushur me turistë, shumë prej të cilëve vizitojnë Galerinë Uffizi, shtëpia e disa prej veprave më të famshme të artit të Italisë.
Ai u gjobit me 470 euro (506 dollarë) nga policia pasi kontrollet zbuluan se ai nuk kishte dokumentet e duhura për të vozitur në Itali në rrugë, e lëre më në shesh.
“Kontrollet zbuluan se shoferi 43-vjeçar kishte një leje drejtimi amerikane që nuk përputhej me konventat ndërkombëtare dhe nuk kishte një leje drejtimi ndërkombëtare apo përkthim zyrtar”, thuhet në një deklaratë nga Bashkia e Firences.
Top Channel