Është publikuar një renditje e re e vendeve evropiane më të sigurta dhe më të rrezikshme për shoferët, bazuar në shkallën e vdekshmërisë në aksidentet rrugore pwr vitin 2026.
Zbuloni se cilat vende kryesojnë listën “më të keqe”, ku janë rrugët më të sigurta dhe çfarë u këshillojnë ekspertët shoferëve të bëjnë.
Serbia kryeson listën e vendeve më vdekjeprurëse për drejtimin e automjeteve në Evropë, duke regjistruar 74 vdekje në aksidente rrugore për çdo milion banorë, një shifër që është rreth 72% mbi mesataren e Bashkimit Evropian.
Ky është viti i dytë radhazi që Serbia renditet e para për numrin më të lartë të viktimave në rrugë, megjithëse shifrat e fundit janë pak më të ulëta se ato të vitit të kaluar.
Pas saj renditet Bullgaria, me 71 vdekje për milion banorë, dhe Rumania, me 68 vdekje për milion banorë, duke e vendosur Evropën Lindore në krye të listës së vendeve më të rrezikshme për drejtuesit e automjeteve.
Përveç këtyre, edhe disa destinacione të njohura turistike si Portugalia, Greqia, Italia dhe Franca janë renditur ndër 10 vendet më vdekjeprurëse për drejtimin e makinës në Evropë, sipas studimit të Vignette Switzerland.
Nga ana tjetër, vendet nordike si Norvegjia dhe Suedia mbeten më të sigurta, me vetëm 19 vdekje për milion banorë, duke i bërë gati katër herë më të sigurta se Serbia.
Në aspektin e përmirësimit, Lituania ka shënuar një ulje të ndjeshme prej 43% të vdekjeve në aksidente rrugore gjatë dekadës së fundit. Përparim afatgjatë kanë treguar edhe Letonia (37%), Bullgaria (36%), Greqia (35%) dhe Hungaria (30%). Megjithatë, progresi ka ngecur në disa vende turistike si Portugalia, ku vdekjet kanë rënë vetëm me 1% që nga viti 2015, dhe Franca, me një ulje modeste prej 6%.
Ekspertët këshillojnë që udhëtarët të jenë të kujdesshëm, të kontrollojnë rregullat lokale dhe të planifikojnë me kujdes rrugët e tyre, pasi standardet e sigurisë ndryshojnë ndjeshëm nga një vend në tjetrin.
Të dhënat bazohen në 2026 PIN (Performance Index).