Ilija Srdanoviç, kryesuesi i Listës së Studentëve i cili fitoi zgjedhje e parakohshme parlamentare në Serbi duke e mposhtur ish-presidentin e Serbisë, Aleksandar Vuçiç, ka deklaruar se Lista që ai përfaqëson do të vazhdojë dialogun me Kosovën, proces ky i ndërmjetësuar nga Bashkimi Evropian.
Srdanoviç vlerësoi ndër të terja se qeveria e re e Serbisë do të respektojë marrëveshjet ndërkombëtare të nënshkruara nga Qeveritë e mëparshme, përfshirë edhe Marrëveshjen e Brukselit dhe Aneksin e zbatimit të saj.
“Vazhdimi i dialogut për çështjen e Kosovës është një pjesë themelore e planit studentor. E gjithë platforma e marrëdhënieve të brendshme dhe ndërkombëtare në Serbi bazohet në respektimin e Kushtetutës së Republikës së Serbisë. Pra, ajo platformë për bisedime, ose më saktë e ardhmja e mëtejshme e Kosovës, është gjithashtu në përputhje me Kushtetutën e Republikës së Serbisë”, ka deklaruar ai në një intervistë për Radio Evropën e Lirë, edicioni në gjuhën serbe.
I pyetur për gatishmërinë për të dialoguar me kryeministrin e Kosovës, Albin Kurtin, Srdanoviç deklaroi se shumë shpejtë Lista e Studentëve do të marrë një vendim “për çdo çështje që ka një interes shumë të rëndësishëm strategjik”.
Në pyetjen se a do të marrin ndonjë vendim për ekstradimin e kryeterroristit, Milan Radojiçiç, në Kosovë, Srdanoviç deklaroi se nuk ka ndonjë përgjigje konkrete për këtë çështje, pasi ende ka procedura deri te formimi i Qeverisë.
“Nuk mund ta marr këtë vendim për ju në këtë moment. Por sigurisht që do të sigurohemi që të marrim vendime për të gjitha çështjet e tilla më pas në përputhje me procedurat ligjore që zbatohen në Republikën e Serbisë”, tha ai.
Srdanoviç, ndër të tjera ka bërë të ditur se qeveria e re në Serbi synon të vazhdojë procesin e integrimit në Bashkimin Evropian, duke u përqendruar në forcimin e sundimit të ligjit, luftimin e korrupsionit, funksionimin e institucioneve dhe garantimin e lirisë së medias.