“Mekanizmi i Mbrojtjes Civile i Bashkimit Evropian dërgoi helikopterë dhe zjarrfikës për të ndihmuar Serbinë të luftojë një zjarr masiv në një rezervat natyror në verilindje të këtij vendi”, tha të shtunën kreu i misionit të BE-së në Beograd.
Serbia aktivizoi mekanizmin të premten pasi luftoi për javë të tëra me një zjarr në Deliblatska Pesçara, një përzierje unike e dunave të rërës dhe pyjeve rreth 80 kilometra nga kryeqyteti Beograd, si dhe zjarre të tjera në jugperëndim të vendit, raporton Reuters.
“Ne qëndrojmë me Serbinë në mbrojtjen e jetëve, mjeteve të jetesës dhe trashëgimisë unike natyrore të Deliblatska Sands”, shkroi Andreas Beckerath, kreu i misionit të BE-së në Beograd, në X.
Luka Çausiq, kreu i Departamentit Serb për Emergjenca, tha se ndihma evropiane përbëhet nga katër helikopterë zjarrfikës Black Haëk nga Rumania, Sllovakia dhe Republika Çeke, 55 zjarrfikës dhe 24 automjete nga Gjermania, dhe 69 zjarrfikës dhe 15 automjete nga Rumania.
Një helikopter nga Rumania dhe një nga Sllovakia iu bashkuan përpjekjeve të zjarrfikësve të shtunën, ndërsa dy të tjerë nga Republika Çeke do të angazhohen të dielën, tha Ministria e Brendshme e Serbisë në një deklaratë.