Heroi Ibrahim Çela u drejtohet personalisht shqiptarëve me apel: Kam nevojë për ndihmën tuaj! Ai do të bëhet operacion për herë të katërt. Ja apeli i tij drejtuar gjithë shqiptarëve, kurse në fund e keni edhe linkun përmes të cilit mund të kontribuoni me mjetet tuaja:
Përshëndetje. Emri im është Ibrahim Çela, jam nga Shqipëria dhe po ju shkruaj me sincertitet duke kërkuar ndihmën tuaj për një problem shëndetësor që po përjetoj. Ngjarja ime filloi më 17 maj 2022 kur po punoja si faturino autobusi në shërbim të qytetarëve të vendit tim. Gjatë punës sime, vura re një hajdut që po përpiqej të vriste qytetarët dhe si një qytetar përgjegjës bëra detyrën time duke e denoncuar. Hajduti u largua dhe autoritetet nuk mundën ta arrestonin. Pas 22 ditësh nga ngjarja, hajduti më ndoqi dhe në një nga zonat e qytetit ku isha me familjen time, më erdhi nga mbrapa dhe më goditi disa herë me thikë në bark. Duke menduar se kisha vdekur, ai u largua. Sot jam ende gjallë por tërësisht i shkatërruar. Deri më tani kam bërë 3 ndërhyrje kirurgjikale dhe po përgatitem për operacionin e katërt, por kërkush nuk po mbulon shpenzimet e mia. Shpresoja se ka ende dikë atje jashtë që mund të më ndihmojë, qoftë edhe me 1 paund, në mënyrë që edhe unë të mund të jetoj si qenie njerëzore jetën që më ka mbetur. Sepse në fund të fundit, bëra detyrën që çdo qytetar i botës duhet të bëjë.