Kryetari i Degës së BDI-së në Tetovë, Bajram Rexhepi, përmes një videomesazhi u ka bërë thirrje qytetarëve që t’i bashkohen protestës së paralajmëruar për sot, më 11 korrik, në ora 20:00, në Sheshin “Iliria” në Tetovë.
Në mesazhin e tij, Rexhepi thekson se protesta është një reagim kundër, siç shprehet ai, poshtërimit dhe nënçmimit të shqiptarëve, duke ftuar qytetarët të jenë pjesë e tubimit.
“Nuk e durojmë poshtërimin. Nuk e pranojmë nënçmimin. Kur bëhemi bashkë, jemi më të fortë. Shihemi nesër, në ora 20:00, në Sheshin ILIRIA!”, thuhet në videomesazhin e tij.
Ai e ka shoqëruar thirrjen edhe me sloganet #ShqiptarëtNukShfuqizohen, #HistoriaNukAbrogohet dhe #MosELePaDal, duke i bërë apel qytetarëve për pjesëmarrje sa më masive në protestën e së shtunës.