Si kryetar i komunës, besoj se çdo qytetar meriton të dëgjohet. Për këtë arsye, po nisim projektin “Më Afër Qytetarit”.
Çdo të premte do t’ia kushtojmë qytetarëve. Gjatë ditës do të zhvilloj takime individuale me secilin që dëshiron të ndajë shqetësimet, propozimet, idetë apo kërkesat për zhvillimin e komunës.
Takimet do të zhvillohen me termin të caktuar paraprakisht, në mënyrë që të kemi mundësinë të bisedojmë drejtpërdrejt me secilin prej jush dhe të trajtojmë me përkushtim çdo çështje që ju shqetëson.
Komuna zhvillohet përmes bashkëpunimit, besimit dhe komunikimit të hapur me qytetarët.
Ju mirëpres të bëheni pjesë e kësaj nisme, sepse zëri juaj ka vlerë dhe kontributi juaj është i rëndësishëm për të ardhmen e komunës sonë.