Kryetari i LSDM-së, Venko Filipçe i ka shkruar në konak kreut të BDI-së, Ali Ahmeti në Reçicë të Tetovës, njoftojnë burime për televizionin TV24.
Siç mësohet, Filipçe i ka propozuar Ahmetit bashkëpunim politik mes dy partive opozitare dhe krijimin e një “fronti opozitar pro-BE-së“.
Sipas informacioneve të pakonfirmuara, takimi mes Filipçes dhe Ahmetit ka ndodhur vetëm një ditë para takimit të liderëve, që ishte organizuar nga Kryeministri i Maqedonisë së Veriut, Hristijan Mickoski, por edhe pak orë para se Këshilli i Përgjithshëm i BDI të vendosë se Ahmeti do të marrë pjesë në takimin e liderëve me Mickoskin.
Megjithatë, ende nuk ka detaje të plota nëse oferta e Filipçes ka përfshirë një kërkesë që Ahmeti të bashkohet me bojkotimin e takimit të liderëve. TV 24 kërkoi një qëndrim nga Filipçe për atë që është diskutuar gjatë takimit dhe për arsyen pse kjo takim nuk ishte paralajmëruar, por ai vetëm e ka konfirmuar takimin pa zbuluar detaje.
„Takimi ka ndodhur, por nuk do të komentoj për detajet“, ka thënë Filipçe për mediat.
Burime nga BDI pohojnë për TV 24 se Filipçe ka ofruar bashkëpunim për një „front opozitar pro-EU“. Nga BDI, megjithatë, kanë mbetur të rezervuar dhe nuk kanë konfirmuar as nuk kanë mohuar këto informacione. Një ide e tillë për një front proevropian ishte bërë edhe nga ish-kryeministri dhe ish-lideri i LSDM-së, Dimitar Kovaçevski, para zgjedhjeve të vitit 2024, por kjo ide ka dështuar pasi Ahmeti refuzoi ofertën dhe vendosi të krijojë një front të tij me partitë shqiptare dhe të prezantohet si kandidat i vetëpavarur për president në zgjedhjet e ardhshme.