Një aksion i rëndësishëm policor ka tronditur botën e showbiz-it në Turqi gjatë orëve të fundit. Sipas mediave vendase, operacioni i shtrirë në disa pika kyçe të Stambollit ka çuar në shoqërimin e shtatë personave, mes të cilëve figura mjaft të njohura.
Aktori i njohur Can Yaman dhe aktorja Selen Gorguzel janë shoqëruar nga autoritetet pas kontrolleve të befasishme që u ushtruan në 9 klube nate dhe në një hotel të njohur në zonën e Bebek-ut. Mësohet se personat e ndaluar do t’u nënshtrohen ekzaminimeve mjekësore pranë Institutit të Mjekësisë Ligjore.
Ky aksion vjen si vazhdimësi e një hetimi të nisur më 5 janar, i cili deri më tani ka çuar në arrestimin e 19 personave. Hetimet e Prokurorisë po kryhen mbi dyshimet për: Përdorim dhe nxitje të përdorimit të substancave të ndaluara dhe lehtësim të aktiviteteve të paligjshme në ambiente publike.