Zëvendëskryeministri për Qeverisje të Mirë, Arben Fetai, ka mirëpritur vendimin e Presidentit amerikan Donald Trump për arrestimin e Nicolás Maduros, duke e cilësuar një hap historik dhe të guximshëm kundër një regjimi autoritar që ka ushqyer rrjete narkotrafiku dhe ka kërcënuar sigurinë rajonale dhe globale.
“Si aleate e palëkundur e NATO-s, Maqedonia e Veriut mbështet fuqimisht veprimet për forcimin e sigurisë kolektive, sundimin e ligjit dhe mbrojtjen e demokracisë, që garantojnë paqen dhe lirinë. Ky operacion vendimtar kundër rrjeteve të drogës dhe korrupsionit përfaqëson një hap të rëndësishëm për eliminimin e kërcënimeve ndaj aleatëve tanë dhe rendit euroatlantik,” tha Fetai.
Ai theksoi se “Historia dëshmon se kur Amerika udhëheq me vendosmëri dhe guxim, aleatët ndihen më të sigurt, demokracitë forcohen dhe bota bëhet më e sigurt dhe më e lirë.” (INA)