Trajneri i Bayern Munich, Vincent Kompany, tha pas fitores 2-1 ndaj PSG-së se nuk ishte i befasuar nga performanca e mirë mbrojtëse e ekipit të tij në pjesën e dytë.
Bavarezët u mbrojtën me 10 lojtarë në 45 minutat e dyta pasi Luis Diaz mori një karton të kuq direkt për një faull të rëndë ndaj Achraf Hakimi.
“E dinim që ishim të aftë ta bënim. Duhet të qëndrojmë të qetë, por kjo na jep besim. Na u desh të mbroheshim me dhjetë lojtarë dhe skuadra reagoi përsëri, gjë që tregon se jemi të aftë të përshtatemi për të marrë një rezultat”, tha Kompany.
“Gjithashtu dua që ne të kënaqemi kur duhet të mbrohemi. Ne punojmë shumë për këtë në stërvitje. Kjo është arsyeja pse nuk më habiti që luajtëm mirë. Pjesa e parë ishte vërtet e bukur. Në pjesën e dytë na u desh të luanim ndryshe. E dimë që Liga e Kampionëve nuk është vendosur ende, por ishin tre pikë vërtet të rëndësishme për ne”, shtoi Kompany.
/GazetaBlic Sport