Për herë të parë në histori, profesor i së drejtës kushtetuese nga UEJL, Jeton Shasivari foli shqip në Gjykatën Kushtetuese të Maqedonisë së Veriut, njofton agjencia e lajmeve INA.
Prezantimi i tij në tryezën e rrumbullakët mbi “Zbatimi i Aktit të Gjykatës Kushtetuese: Procedura e kushtetutshmërisë dhe ligjshmërisë (iniciativa)” u zhvillua plotësisht në gjuhën shqipe, pavarësisht se në fillim pati rreth 10 minuta probleme me përkthimin.
Profesori e nisi fjalimin me termin “akcio popullarisë”, duke theksuar se supremacioni i kushtetutës është mbi çdo ligj tjetër. Më pas dha vlerësimet e tij për procedurat kushtetuese.
Kujtojmë se më parë, politikani si Talat Xhaferi kishte filluar fjalimin shqip në këtë institucion, por për mungesë të përkthimit kishin vazhduar në maqedonisht.
Sot, profesori shqiptar tregoi se shqipja ka vend edhe në sallën më të lartë të drejtësisë.
Për një vend si Maqedonoa e Veriut, që aspiron integrimin në familjen evropiane, përdorimi i gjuhës shqipe dhe gjuhëve të komuniteteve jo shumicë, duhet të shihet si diversitet dge pasuri. (INA)
