Autoritetet kanë “neutralizuar” një person të armatosur pasi guvernatori i Minnesotës, Tim Walz, deklaroi se policia kishte reaguar ndaj një incidenti me të shtëna pranë një shkolle katolike në Minneapolis.
“Nuk ka më një kërcënim aktiv për komunitetin në këtë moment,” thuhet në një postim të qytetit të Minneapolis në platformën X. “Personi i armatosur është vënë nën kontroll.”
Më herët, guvernatori Walz kishte deklaruar se ishte “informuar për një incident me të shtëna në shkollën katolike Annunciation dhe do të japë përditësime ndërsa marrim më shumë informacion.”
Ai shtoi se Byroja e Minnesotës për Hetime Kriminale dhe Patrulla Shtetërore ndodhen në vendngjarje.
“Po lutem për fëmijët dhe mësuesit tanë, të cilëve java e parë e shkollës iu prish nga ky akt i tmerrshëm dhune,” u shpreh guvernatori.
Rreth 20 persona janë plagosur nga të shtënat, sipas dy burimeve federale.
Të dy burimet thonë se të shtënat filluan rreth një orë më parë.
Ata e përshkruajnë personin që qëlloi si një burrë të veshur me të zeza dhe që mbante një pushkë.
Asnjë armë tjetër nuk është përmendur në këtë fazë por kërkimi është ende duke vijuar.
Burimet i thanë CBS News se nuk duan të spekulojnë për viktima.