Zana Avdiu lavdëron dy burra për ndihmën e dhënë: “Ka burra të mirë, e qysh s’ka!” Gazetarja dhe aktivistja Zana Avdiu ka ndarë një përvojë personale që e ka emocionuar dhe e ka bërë të ndajë një mesazh frymëzues për publikun. Ajo ka lavdëruar dy burra të panjohur që i dolën në ndihmë në një moment të papritur, duke treguar se burrëria dhe solidariteti nuk janë humbur. “Kush ka thanë s’ka burra t’mirë? Ka, e qysh s’ka,” ka shkruar Avdiu në një postim në rrjetet sociale. “Sot takova dy burra për t’u nderu! Më ndihmuan me kerrin, që, s’po e marr vesh as unë, as kerri, pse u ndal mes rrugës… Naftë pat, prishje jo. I servisum, i kontrollum, tonat.” Ajo shtoi me humor se ndoshta vetë makina “kishte vendos me u ndal pak” për të krijuar një moment të bukur dhe për të treguar që ende ka njerëz të mirë. “Po m’doket që kerri s’u prish hic, veç tha: po ndalna pak… se këta dy burra dojnë me shkru naj histori t’mirë sot. Me ma dhane një shembull t’gjallë që ka burra t’mirë!” – shkroi ajo me ironi të lehtë dhe falënderim. “Falemnderit djema, për ndihmën!” – përfundon ajo, duke lënë pas një mesazh shprese dhe besimi në njerëz


