Drilon Islami është një nga mesfushorët më të mirë të futbollit kosovar.
Pas përfundimit të sezonit 2024/25, Islami ende mbetet në dyshim për të ardhmen e tij dhe nuk dihet ende nëse do të vazhdojë qëndrimin tek FC Prishtina.
Burime të ‘GazetaBlic Sport’ mësojnë se një nga skuadrat e interesuara për shërbimet e Drilon Islamit është Dinamo City e Tiranës.
Ilir Daja, i cili është trajner i Dinamos – pëlqen shumë futbollistin, andaj klubi ka shprehur interesim për të, megjithatë futbollisti ende nuk ka vendosur për të ardhmen e tij.
Kujtojmë se Islami me Prishtinën do të luajnë në kualifikueset e Europa League, pas triumfit në Kupën e Kosovës në futboll.
/GazetaBlic Sport