Ish-trajneri legjendar i Real Madridit, Fabio Capello, tha se nëse do të mund të votonte, do t’ia jepte votën e tij për “Topin e Artë” yllit të ri të Barcelonës, Lamine Yamal.
Nuk është çudi që Lamine Yamal është një nga pretendentët kryesorë për Topin e Artë dhe italiani legjendar tha se do të votonte për të, transmeton GazetaBlic Sport.
“Vota ime për Topin e Artë shkon për Lamine Yamal, ai ka shumë cilësi”, tha Capello në një intervistë me “El Partidazo de COPE”.
“Përveç krahasimit me Lionel Messin, Lamine Yamal është padyshim një nga futbollistët e së ardhmes”, shtoi Don Fabio.
“Do të votoja për Lamine Yamal për Topin e Artë. Votat e mia do të ishin: Vinicius, Mbappe dhe së pari Lamine Yamal. Ai është një lojtar me shumë cilësi dhe mund të përmirësohet shumë, por unë nuk e shoh atë si një fenomen. Messi ose Maradona bënë gjëra që askush nuk mund t’i imagjinonte, por tani për tani nuk mund ta krahasoj me ta“, deklaroi Capello.
/GazetaBlic Sport/