Portieri i Atletico Madrid, Jan Oblak nuk e fshehu zhgënjimin e tij për eliminimin e Colchoneros nga UEFA Champions League , pasi humbi me penallti ndaj Real Madridit.
Pas deklaratave të bëra në fund të ndeshjes, portieri shkoi në rrjetet sociale për të ndarë dhimbjen që vazhdon ende dhe për të nxjerrë në pah qëndrimin e rojiblancos në lamtumirën e kompeticionit, transmeton GazetaBlic Sport.
“Sinqerisht, po shkruaj me pak dëshirë dhe shumë inat, sepse nuk arritëm të kalonim në çerekfinale. I zemëruar dhe i lënduar për eliminimin. Është e pamundur të shpjegosh pse dhe si ndodhi ajo që ndodhi”, tha fillimisht ai.
32-vjeçari, i cili priti penalltinë e Lucas Vazquez në ndeshje, e mbylli shënimin me lëvdata: “Por nuk mund të ndaloja së shkruari dhe të mos them asgjë se sa krenar dhe mirënjohës jam për ekipin tonë, shokët e skuadrës dhe tifozët tanë”
/GazetaBlic Sport/