Legjenda e Real Madridit, Iker Casillas, shpreson që Vinicius Junior të qëndrojë në Madrid, mes spekulimeve që e lidhin atë me një transferim në Arabinë Saudite.
“Si tifoz i Real Madridit, do të doja që Vinicius të qëndronte. Ai ka pasur një zhvillim fantastik që nga momenti kur erdhi në klub”, ka thënë Casillas.
“Në fillim, ai ishte shpesh objekt talljeje, por sot ai është bërë një nga lojtarët më të mirë në botë. Shpresoj që kjo të vazhdojë kështu”, ka pohuar ai.
Ish-‘gardiani’ spanjoll, ka folur edhe për sezonin aktual të Real Madridit.
“Ne që kemi luajtur këso lojë e dimë së ajo që thuhet sot nuk ka asnjë lidhje me atë që do të thuhet nesër. Para tre muajsh, Madridi ishte ‘katastrofë’, Carlo Ancelotti ishte një ‘dështim’, dhe tani të gjithë thonë se është një fenomen. Gjërat ndryshojnë shpejt, dhe gjithçka vendoset në mars”, ka përfunduar Casillas.