Trajneri i Manchester Cityt, Pep Guardiola, nuk është shumë i shqetësuar për mungesën e golave të Erling Haaland së fundmi.
Sulmuesi norvegjez ishte një figurë kyçe në sezonin e kaluar për fitimin e titullit. Ai e nisi fuqishëm këtë sezon, por ka arritur vetëm tre gola në Premier League gjatë tre muajve të fundit. Kjo rënie përkoi me vështirësitë në formë të Manchester City.
“Ka të bëjë me ekipin, jo vetëm me një lojtar. Kur Erling po shënonte kaq shumë, kjo ishte për shkak të të gjithë ekipit. Haaland është shumë i rëndësishëm për ne dhe do të mbetet i tillë edhe në të ardhmen. Ne duhet ta përdorim atë më mirë.
“Gjithçka ka të bëjë me ne – të gjithë ne. Djemtë vrapojnë më shumë se kurrë. Shumë detaje të mëdha dhe të vogla na bëjnë më pak efektivë se më parë,” tha Guardiola.
/GazetaBlic Sport