Dominik Szoboszlai ka konfirmuar se Arne Slot i ka tejkaluar pritjet e tij si trajner i Liverpoolit.
“Ishte edhe më mirë të luash sesa të shikoje”, tha Szoboszlai për Premier League Productions pas fitores 6-3 të Reds ndaj Tottenhamit të dielën.
“Tifozët erdhën në stadium dhe panë nëntë gola, por ne morëm tre pikët.
“Ne duam të jemi sa më shumë përpara. Askush nuk priste që Slot të fillonte kaq mirë, por ai beson në ekip dhe ne besojmë në të.”
Liverpool do të jetë në krye të tabelës në ditën e Krishtlindjeve me katër pikë epërsi ndaj Chelsea-t dhe një ndeshje më pak ndaj të gjitha skuadrave të Premier League, përveç Evertonit.
/GazetaBlic Sport/