Kryeministri, Albin Kurti, ka reaguar pas lajmit se Armenia ka njohur zyrtarisht pasaportën e Republikës së Kosovës.
Sipas Kurtit, ky hap është një tjetër arritje në forcimin e pozicionit ndërkombëtar të Kosovës dhe pasaportës së saj.
“Pasaporta jonë sa vjen e bëhet më e fuqishme dhe më e njohur ndërkombëtarisht. Pas liberalizimit të vizave dhe njohjes së pasaportës nga Spanja në muajin janar, vitin po e përmbyllim me lajmin që edhe Armenia, një shtet që ende nuk na njeh, nga sot ka vendosur të njohë pasaportën e republikës sonë.
Urime qytetarëve dhe përgëzime Ministrisë së Punëve të Jashtme dhe Diasporës dhe zyrtarëve shtetërorë që punojnë çdo ditë për forcimin e shtetësisë sonë”, ka shkruar Kurti në Facebook,