Kryeministri i Kosovës Albin Kurti ka ngushëlluar për viktimat e sulmit të mbrëmshëm me veturë në një treg krishtlindjesh në Gjermani ku si pasojë e këtij sulmi kanë vdekur katër persona e mbi 200 janë lënduar.
“Ngushëllimet e mia më të thella për viktimat dhe familjet e prekura nga sulmi në Magdeburg. Mendimet tona janë me popullin gjerman në këtë kohë të dhimbshme. Populli i Kosovës solidarizohet me ju”, ka shkruar Kurti.
Për këtë sulm ka ngushëlluar mbrëmë edhe presidentja Vjosa Osmani dhe Ministrja e Punëve të Jashtme Donika Gërvalla.
Deri më tani janë raportuar për katër të vdekur, përfshirë edhe një fëmijë dhe mbi 200 të lënduar.
I dyshuari, një mjek saudit, u arrestua dhe rasti po hetohet nga autoritetet gjermane.