Trajneri i njohur dhe ish-futbollisti, Bylbyl Sokoli, i është bashkuar Lëvizjes Vetëvendosje.
Ai është prezantuar nga kryeministri i Kosovës, Albin Kurti, i cili ka vlerësuar kontributin e Sokolit në zhvillimin e sportit në Kosovë.
Kurti ka theksuar se përvoja dhe dijet profesionale të Sokolit do të jenë një shtesë e rëndësishme për qeverisjen e ardhshme të Kosovës, ku sporti do të mbetet një prioritet shtetëror.
“Profesor Bylbyl Sokoli ka një kontribut tejet të çmueshëm në zhvillimin e sportit. Përvoja dhe dija profesionale është vlerë e shtuar për qeverisjen tonë të ardhshme që edhe më tej do ta ketë sportin prioritet shtetëror,” ka shkruar kryeministri Kurti në Facebook.
“Nga sot jemi edhe më të fortë në betejën tonë të 9 shkurtit”, ka shkruar tutje Kurti.