Bekim Jashari, djali i heroit të Kosovës, Hamëz Jasharit, ka reaguar lidhur me spekulimet për mundësinë e përfshirjes së motrës së tij, Besarta Jashari, në listën zgjedhore të LVV-së, për zgjedhjet e ardhshme.
Përmes një postimi në Facebook, Jashari ka theksuar se Besarta nuk do të jetë pjesë e asnjë liste elektorale të ndonjë partie politike.
Ai Ka potencuar se familja Jashari mbetet e palëkundur në qëndrimin e saj për të qëndruar jashtë përfshirjes aktive në politikë dhe proceset zgjedhore.
Jashari ka theksuar se, megjithatë, ata do të vazhdojnë të mbështesin zhvillimin e vendit si përkrahës të paanshëm.
“Në këtë moment të rëndësishëm për Kosovën, bëjmë thirrje për unitet dhe bashkëpunim të plotë mes të gjithë akterëve politikë në vend.
Vetëm përmes angazhimit të përbashkët mund të fuqizojmë shtetin tonë, të shtrijmë sovranitetin e tij territorial, të forcojmë demokracinë, të avancojmë subjektivitetin ndërkombëtar dhe të kontribuojmë për një zhvillim ekonomik të qëndrueshëm, që ofron punësim dhe mirëqenie për të gjithë qytetarët”, ka shkruar tutje ai në Facebook