Gjykata Themelore në Ferizaj është deklaruar në lidhje me zjarrin që ka kapluar objektin e degës së kësaj gjykate në Kaçanik, rreth orës 04:00 të mëngjesit të së mërkurës.
Sipas njoftimit, nga zjarri janë përfshirë dy zyra që ndodhen në katin e II-të të këtij objekti.
“Ju informojmë se sot më 13 mars 2024, rreth orës 04:00 të mëngjesit, zjarri ka kapluar një pjesë e dy zyrave të katit të II-të të objektit të Gjykatës Themelore në Ferizaj – Dega në Kaçanik”, thuhet në komunikatën për media.